pemfiqus_xesteliyi-1.png?time=1611303013

Pemfiqus xəstəliyi dərinin və ağız boşluğunun selikli qişasının avtoimmun, xroniki xəstəliyidir. Skalp adlanan saçlı dəridə, dırnaq ətrafında, bədəndə, ağız boşluğunun selikli qişasında su toplayan bulyoz lezionlarla özünü göstərir. Daxili orqanların xərçəngi ilə əlaqəli olan çox aqressiv formalarında burun boşluğunda, gözlərin selikli qişasında, qırtlaq, qida borusu, həzm sistemi, urogenital, ağ ciyərlərin selikli qişalarını və epitel toxumasını da zədələyə bilər. Pemfiqus immun sistemin pozulması nəticəsində yaranır. Genetik pozuntular rol oynayır. Bu xəstəlik ciddi qidalanma problemi yaradır. Qısa zamanda xəstə çəki itirir. Ağızda şiddətli ağrı və yanma olur. Udqunma prosesi ağrılı və əzablı olur. Pemfiqus xəstəliyi adətən kəskin emosional stresdən və cərrahi müdaxilələrdən sonra yaranır. İlk öncə ağızda yanma hissi yaranır, sonra isə bulyoz, eroziv, açıq yaralar şəklində lezionlar meydana gəlir. Tərsinə də ola bilər. Öncə dəridə sonra ağız isə boşluğunu. Pemfiqus xəstəliyinə bənzər çoxlu sayda dəri xəstəliyi olduğu üçün onun diaqnostikasını adi gözlə aparmaq bəzən çətinlik verə bilər.

Pemfiqus xəstəliyinin çoxlu növləri vardır, hər birinin də öz proqnozu və müalicəsi vardır. Ona görə dəri həkimi xəstədən patoloji, sitoloji, bakterioloji, laboratuar, immunofloresan, radioloji kimi testlərdən keçirdə bilər. Diaqnoz təsdiqləndikdən sonra dermatoloq xəstəyə ağır immunosupressiv dərmanlar təyin edə bilər. Peşəkar dermatoloqun vəzifəsi xəstəni həm də bu ağır dərmanların yan təsirlərindən qorumaqdır. Bəzən dərmanların yan təsirləri xəstəliyin özündən daha ağır ola bilir. Ona görə pemfiqusu peşəkar dermatoloq müalicə etməlidir. Xəstəlik remissiya-residiv verən bir xroniki xəstəlik olduğu üçün bu cür dərmanlar ömür boyu istifadə edilə bilər. Dəri həkimi pemfiqus xəstəsinə pəhriz başda olmaqla bir çox profilaktik tədbirlər məsləhət edə bilər. Xəstə daima dermatoloq müşahidəsi altında qalmalıdır və vaxtı vaxtında kontrola gəlməlidir. Hal hazırda pemfiqus xəstəliyinin müalicəsində dünyada ən yeni müalicə üsulları təklif edilməkdədir. Həmin dərmanlar vasitəsiylə minimal yan təsirlər ilə daha effektli nəticələr əldə etmək olur. Pemfiqus diaqnozu qoyulan xəstələr qətiyyən ümidsiz olmamalıdırlar. Bu xəstəliyin müalicəsi vardır. Xəstəni əvvəlki vəziyyətə gətirmək mümükündür.

 

 

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.