Qasıqda-qaşıntı-səbəbi.jpg

Qasıqda qaşıntı səbəbi ilə klinikamıza tez-tez randevu alınır. Qasıqda qaşıntılı qızartılar səbəbi ilə müraciət edənlər hər yaşda ola bilər. Pediatrik qrupdan tutmuş ahıl yaşında olan dəri xəstələrində qasığın qaşınması şikayəti ola bilər. Körpələrdə cinsi bölgədə qaşınma problemi əsasən uşaq bezi dermatiti formasında özünü göstərir. Belə olan halda uşaqda qasıqda qaşıntılı qızartılar yaranır. Paralel şəkildə uşağın cinsi bölgəsində qabıqlanma, qızartı və irinciklər də yarana bilər. Uşaqlarda bişməcə də qasıqda qaşınma verə bilər. Uşaqların qasığında qaşınma problemi adətən müvəqqəti xarakter daşısa da bəzi dəri xəstəlikləri var ki, ömür boyu davam edə bilər. Dermatoloq Mehdi İskəndərli qeyd edir ki, belə xəstəliklər ilk əvvəl qasıqda başlayıb sonra bədənin digər hissələrinə də yayılaraq dəridə qaşıntılı qızartılar verə bilər. Belə dəri xəstəlikləri xroniki olduğu üçün uşaqlarda daima qalması mümkündür. Mütləq diaqnozu dəqiqləşdirmək üçün dermatoloq müayinəsi tələb olunur.  Yalnız diaqnoz dəqiləşdirildikdən sonra qasıqda qaşınma probleminin müalicəsi mümkün olur. 

Qasıqda qaşıntı səbəbi
Duduşda qızartılı qaşıntı

Qasıqda qaşıntı səbəbi istər böyüklərdə, istərsə də uşaqlarda müxtəlif bakterial, funqal, parazitar və viral infeksiyalarla əlaqəlidir. Avtoimmun dəri xəstəlikləri də qasığın qaşınma səbəbi ola bilər. İstər qadınlarda, istərsə də kişilərdə cinsiyyət bölgəsinin qaşıntısı müəyyən dəri səpgiləri ilə özünü göstərir. Məsələn, kişilərdə qasıqda qaşınma verən səpgilər budun iç tərəfindən başlayaraq anus, xaya və mons pubisə qədər davam edə bilər. Problem yayılaraq tənasül orqanına keçə bilər. Belə olan halda penisdə qaşıntı adətən bənövşəyi, qırmızı və qəhvəyi ləkələrlə əlaqəli olur. Bir çox hallarda qasığın qaşıntısı heç bir qızartı və qabıqlanma ilə müşayə olunmur. Lakin, əksərən qaşınmanın səbəbi qasıqda qızartı və qabıqlı səpgilər ilə əlaqəlidir. Qasıqda su qabarcıqları formasında qovuqcuqlar da qaşıntılı ola bilər. Qadın cinsiyyət dodaqlarında qaşıntı və ya vulvada qaşınma bir çox dəri xəstəliklərinə bağlı yaranır. Belə pasientlərdə qaşıntıdan başqa dəridə rəng dəyişmə, qızarıqlıq, qabıqlanma da görülür. Ümumiyyətlə cinsi aktivliyi yüksək olan xəstələrdə məhz zöhrəvi xəstəliklər cinsi bölgədə qaşıntı səbəbi ola bilər. 

 

 

 

dermatoloq mehdi iskəndərli

Uzman Dr. Mehdi İSKƏNDƏRLİ

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


2 şərh var

  • Ramin

    22/11/2021 at 00:20

    Qaşıqda yəni ayaqarasinda daşınmaların müalicəsi necə ola bilər.qehveyi rəngdə olur.yalniz bir tərəfdə olur.diger tərəfdə qaşınma olmur

    Reply

    • dermatoloq mehdi iskəndərli

      Salam. Qasıqda qəhvəyi rəngli ləkə verən xəstəliklər çoxdur. Hər birinin də özünəmxəsus müalicə üsulu vardır. Ona görə şikayətiniz davam edirsə əyani müayinə və müalicələr üçün klinikaya gəlmənizi tövsiyyə edirik. Hörmətlə

Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.




ŞƏFANIZI BİZDƏ TAPIN





ŞƏFANIZI BİZDƏ TAPIN