hamiləliyin-dəri-xəstəlikləri-1200x750.jpg

Hamiləlik hər bir qadının həyatında normal bir fizioloji mərhələdir. Lakin bu mərhələdə bir çox orqan və sistemlərdə o cümlədən dəridə bir çox həm fizioloji, həm də patoloji dəyişiklər yarana bilər. Hamiləlik zamanı hormonal balansın dəyişməsi və qanda yeni ifraz olunan proteinlərin təsirindən dəri xəstəlikləri yarana bilər. Hamiləliyin dəri xəstəlikləri müxtəlifdir. Hər birinin özünəməxsus klinik əlamətləri və müvafiq müalicələri vardır. Dermatoloq qarşısında duran əsas məsələ hamiləlikdə yaranan səpgiləri düzgün identifikasiya etmək və doğru diaqnoz qoymaqdır. Hamiləliyin dəri xəstəlikləri müalicə sırasında isə dermatoloq dölə zərəri olmayan dərmanların təyin etməyi özünə hədəf bilir. Ona görə hamiləlikdə dəri xəstəlikləri olan qadınlar peşəkar dermatoloqa müraciət edərək etibarlı bir şəkildə müalicələr qəbul edə bilər. Cünki müasir təbabət “ana uşaqdan irəlidədir” prinsipini əsas tutur. Hamiləlikdə dəri xəstəlikləri bütün trimestirdə yarana bilər. Hətta hamiləliyin bəzi dəri problemləri doğuşdan sonra da yarana bilir.

Hamiləlikdə dəri səpgiləri müxtəlif xarakterdə ola bilər. Səpgisiz qaşıntılar, dəridə quruluq, qabıqlı qızartılar, qaşıntılı qızartılar, ovuçlarda qaşıntı, ayaq altında qaşıntı, dəridə su qabarcıqları və bulyoz səpgilər, qaşıntılı köpəşmələr hamiləliyin dəri xəstəlikləri ilə əlaqəli meydana gələ bilər. Xüsusən hamiləlikdə allergik xəstəliklər sıx görülən problemdir. Əvvəllər allergik dəri xəstəlikləri olan qadınlarda hamiləlikdə allergik dəri problemləri yenidən kəskinləşə bilər. Belə olan halda ginekoloq hamiləni dermatoloq həkimə diaqnoz, müalicə və profilaktika üçün yönləndirə bilər. Hamiləlikdə yaranan dəri səpgiləri bir birinə bənzədiyi üçün və əlamətlər eyni olduğu üçün ginekoloq düzgün müalicə üçün adətən hamiləni dermatoloq həkimə yönləndirir. Dəri həkimi isə öz növbəsində əlavə müayinələr hesabına diaqnozu dəqiqləşdirir və həm döl üçün, həm də ana üçün təhlükəsiz müalicə kursu təyin edir. Hamilə qadınlar dəridə yaranan problemlərə görə narahat olmamalıdırlar və zamanında dermatoloq həkimə müraciət etməlidirlər. Unutmaq lazım deyil ki, hamiləlik zamanı hamiləliklə bir başa əlaqəsi olmayan dəri xəstəlikləri də meydana gələ bilər. Həm də bu baxımdan ginekoloqlar tərəfindən hamilə qadınlar dəri həkimlərinə yönləndirilir.

 

 

Uzm. Dr. Mehdi İskəndərli

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.