Dermatoloq həkim kimdir ? – CAVAB
Dermatoloq həkim kimdir (dermatologist) sualı dəri xəstəliklərindən əziyyət çəkənləri tez-tez soruşduğu sualdır. Dermatoloq dəri, saç, dırnaq, ağız boşluğu və cinsi yolla keçən zöhrəvi xəstəlikləri müalicə edən mütəxəssisdir. Rəsmi qaydada ölkəmizdə dəri və zöhrəvi xəstəlikləri müalicəsi ilə məşqulq olan həkimlər dermatoveneroloq adlanır. Dermatoveneroloq dermatoloq və veneroloq sözlərinin biləşməsindən yaranmışdır. Mənası isə dəri və zöhrəvi xəstəlikləri mütəxəssisi deməkdir. Dermatoveneroloq termini ilkin təəssürat olaraq bu peşə sahiblərinin yalnız dəri və zöhrəvi xəstəliklərinin müalicəsi və profilatikası ilə məşqul olduğunu düşündürə bilər.
–
Lakin, əslində dermatoveneroloqlar cinsi yolla keçən veneroloji xəstəliklər və dəri xəstəliklərinin müalicəsi ilə yanaşı ağız boşluğunun xəstəlikləri, dırnaq və saç xəstəliklərinin müalicəsi ilə də məşquldur. Fəqət terminin qısalığı və lokanikliyi baxımından adı keçən ixtisas həkimlərinə daha çox dermatoloq olaraq müraciət olunur. Ölkəmizdə saç tökülməsi problemi geniş yayılmışdır. Həm uşaqlarda, həm də böyüklərdə xüsusən qadınlar arasında. Saç və saç dibi xəstəlikləri ilə məşqul olan dermatoloqlara trixoloq adı verilsə də rəsmiyyətdə bu cür ixtisas sahəsi yoxdur. Trixoloq adı şərtidir. Trixologiya sahəsi ilə məşqul olan bütün həkimlər dermatoveneroloqlardır. Pediatrik dermatolgiya və ya uşaq dəri xəstəlikləri ilə də dəri həkimi məşqul olur. Bundan başqa dəri xərçəngi başda olmaqla dəri törəmələri və şişlərini öyrənən və tətbiq edən dermatoonkologiya sahəsi ilə də dermatoloqlar məşqul olur.
–
Dermatoloq həkim dermatologiya ixtisasını əldə etmək üçün altı illik tibb univeristetini bitirdikdən sonra dörd il rezidentura təhsilini əldə etmək tələb edilir. Cünki, ən yaxşı dəri həkimi olmağın yeganə üsulu rezidentura təhsilidir. Rezidenturanı dörd il boyunca TC-də keçən yerli həkimlərimizə dermatologiya uzmanı da deyilir. Vətəndaşlarımızı tərəfindən isə uzman dermatoloq ifadəsi daha çox istifadə edilir. Görsəndiyi kimi eyni ixtisasla bağlı çoxlu terminlər istifadə edilir. Fəqət bütün terminlər eyni ixtisas həkiminə aparır.
–
Dermatoloq həkimlər hər şeydən əvvəl cinsi xəstəliklər, ağızda yara verən xəstəliklər, dırnaq xəstəlikləri, saç xəstəlikləri və dəri xəstəlikləri olan pasientləri qəbul edir və onlardan ətraflı xəstəlik tarixi dediyimiz anamnezi toplayır. Anamnez toplamaq üçün mütləq xəstə həkimlə üz-üzə olmalıdır. Anamnezin işığında dermatoloq xəstənin kliniki müayinə edir və ilkin diaqnozu qoyur. Pasientlər tərəfindən yanlış olaraq dəri əkilməsi adlandırılan dəri biopsiyası testinə də müraciət edilir. Diaqnozu dəqiqləşdirmək üçün xəstədən ehtiyac oludğu təqdirdə qan, sidiki, bakterial, funqal, mikobakterial, radioloji testlərdən keçirdə bilər. . Cinsi xəstəliklər isə ehtiyac olduğu təqdirdə uretral sürüntü testi ilə tətqiq edilir. Bir sözlə təcrübəli dermatoloq yuxarıda adı keçən sağlıq probmelərinə peşəkarcasına baxmağı bacarmalıdır.
