başda-qabıqlanma.jpg

Başda qabıqlanma şikayəti ilə klinikamıza randevu alanlar çoxdur. Saçlarda qabıqlanma səbəbi olan bir çox dəri xəstəlikləri var. Onların bəziləri lokal xarakterli olur, müalicə ilə birdəfəlik aradan qaldırmaq mümkündür. Amma bəziləri xroniki xarakterli olur və xəstələr ömür boyu bu problemlə yaşamalı olurlar. Dermatoloq qeyd edib ki, psoriaz xəstəliyi saçlarda kəpəklənmə verən ən önəmli dəri xəstəliklərindən  biridir. Dəridə və saçlarda pullanma yaratdığı üçün buna pullu dəmrov xəstəliyi də deyilir. Belə xəstələrdə sadəcə, saçlı dəridə qabıqlanma yaranmır. Eyni zamanda başda şiddətli qaşıntı və qızartı da özünü göstərə bilər. Başda psoriaz bəzi xəstələrdə ənsə nahiyyəsindən başlayır. Lakin bəzilərində saçın ön hissəsində qabıqlı qızartılar meydana gəlir. Digər xəstələrdə saç tökülməsi problemi də əlavə oluna bilər. Başında qabıqlı qızartılar olanlarda paralel şəkildə qulaq arxasında kəpək və qulaq keçəcəyində qabıqlanma meydana gələ bilər.

Başda qabıqlanma səbəbi yalnız pullu dəmrov xəstəliyi ilə əlaqəli yaranmır. Başın qabıqlanması və kəpəklənməsini başqa dəri xəstəlikləri də verə bilər. Dermatit xəstəliyi skalpda qaşıntılı qabıqlanma problemi yarada bilər. Bu xəstələrdə də qulaq arxasında qabıqlanma meydana gəlir. Saçlarda kəpəklənmə zaman içərisində üzün və bədənin digər nahiyələrinə də yayıla bilər. Qaşlarda qabıqlanma və burun ətrafı qızartılar dermatit problemi olanlarda ən sıx görülən simptomlardandır. Dermatit xəstəliyinin də müxtəlif səbəbləri və klinik formaları mövcuddur. Bu baxımdan saçlarda qabıqlı qızartıları olan bütün xəstələri psoriaz kimi qəbul etmək olmaz. Başda qabıqlanmanın səbəbi nə olursa olsun hər bir halda xəstəliyin müalicəsi mümkündür. Lakin, başda kəpəklənmə verən çoxlu sayda bir-birinə bənzəyən dəri xəstəlikləri olduğu üçün diaqnozun dəqiqləşdirilməsi üçün dermatoloq xəstədən əlavə laborator, histopatoloji, radioloji, mikrobioloji, allergik və s. testlər tələb edə bilər. Lakin dəri biopsiyası ən sıx istənilən və etibarlı dəri testidir. Dəri biopsiyası ilə hətta 100%-lik dəqiqliklə saçlı dəridə qabıqlanma probleminin səbəbini təyin etmək mümkündür. Sonda dermatologiya uzmanı soydaşlarımızı əmin edir ki, başın kəpəklənməsi, başda qabıqlanma verən xəstəliklər çarəsiz deyildir, müalicəsi vardır. 

 

 

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.