Atopik dermatit xəstəliyini dermatoloq müalicə edirmi ?

atopik_dermatit-1.jpg

Dəri həkimi sadəcə böyüklərin dəri problemlərini deyil eyni zamanda uşaq dəri xəstəliklərini də müalicə edir. Pediatrik qrupda ən sıx rast gəlinən dəri xəstəliklərindən biri də atopik dermatit və ya atopik ekzema xəstəliyidir. Bu xəstəlik pediatrik dermatologiya sahəsinin problemi sayılır. Atopik ekzema atopiya halına qarşı genetik meyilliyi olan uşaqlarda yaranır. Adətən valideynlərin birində atopik hal olur. Yəni, valideynlərdən birində və ya hər ikisində allergik rinit, allergik konyuktivit, allergik astma və atopik dermatit problemi ola bilər. Əsasən yanaqlarda, aşağı və yuxarı ətrafların bükənəklərində, ətrafların xarici hissəsində, əl və ayaq üzərində, qulaqarxası, dodaqlarda və dodaq kənarlarında və s. dəri bölgələrində qızartı, qaşıntı, qabıqlanma, axıntı verən səpgilər şəklində özünü göstərir. Qaşıntı bəzən o qədər şiddətli ola bilər ki, uşaqda yuxusuzluq və stress yarada bilər. Xəstənin həyat keyfiyyətini və əmək qabiliyyətini ciddi şəkildə aşağı salır. Qaşıntılar adətən gecələr şiddətlənir. Atopik dermatit problemi olan uşaqlarda genetik olaraq dərinin barier funksiası zəyif olur.

Ona görə bu xəstələrin ətrafdakı allergenlərə qarşı xüsusən də toz və toz gənələrinə qərşı yüksək həssaslığı müşahidə edilir. Ona görə də yaz aylarında çiçək tozlarının yayğın olduğu dönəmlərdə bu xəstəlik kəskinləşir, remissiyadan çıxır. Qış aylarında da hava quruluğuna bağlı atopik dermatit kəskinləşərək səpgilərin artması müşahidə edilir. Ona görə də atopik ekzema problemi olan uşaqlar daim dəri həkimi nəzarətində qalmalıdırlar. Bu xəstəlik xroniki gedişata malikdir cünki. Yəni atopik dermatit dermatoloq müalicəsi ilə remissiyaya girir, profilaktik tədbirlərdə əksiklik olanda xəstəlik residiv verir. Ona görə belə xəstələr dəri həkimi ilə ünsiyyəti kəsməməlidir. Dermatoloq tərəfindən təyin edilmiş nəmləndirici kremləri və losionları daima istifadə etməlidirlər. Dermatoloqun təyin etdiyi profilaktik tədbirləri yerli yerində və daima etməlidirlər. Dəri həkimi allergik fonu araşdırmaq üçün xəstədən əlavə qan analizləri də istəyə bilər. Bu xəstəlik müalicə olunur. Xəstəliyin müalicəsində ən müasir müalicə üsulları istifadə edilir. Mərkəzmizdə onlarla atopik dermatit xəstələri nəzarətimizdə saxlanılır və müvafiq terapiyalar qəbul edirlər.

 

 

Uzm. Dr. Mehdi İskəndərli

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.