Gənə xəstəliyinin müalicəsi varmı? (Demodeks, qotur, gənə dişləməsi və “dəri altı gənə” anlayışı)
Gənə xəstəliyinin müalicəsi varmı? Bəli — amma ilk və ən vacib addım “gənə” deyəndə nəyin nəzərdə tutulduğunu düzgün ayırd etməkdir. Azərbaycanda “gənə xəstəliyi” ifadəsi çox vaxt demodeks (üz və tük follikulu ətrafında yaşayan mikroskopik gənəciklər) mənasında işlənir. Bəzən isə qotur, gənə dişləməsi və ya bit kimi tam fərqli problemlər də eyni adla çağırılır. Müalicə isə səbəbdən asılı olaraq dəyişir.
Bu məqalə “gənə xəstəliyi müalicəsi” mövzusunda praktiki, pasiyent-dili bələdçisidir: hansı əlamətlərdə nəyi düşünmək lazımdır, hansı səhvlər müalicəni uzadır, “dəri altı gənə” termini adətən nə deməkdir və nə vaxt dermatoloqa müraciət etmək daha doğrudur.
Qəbul / konsultasiya: Dermatoloq qəbuluna yazılın
Mündəricat
- Gənə xəstəliyi nədir? İnsanlar adətən nəyi nəzərdə tutur?
- Dəri altı gənə xəstəliyi müalicəsi: bu ifadə tibbdə nə deməkdir?
- Əlamətlərə görə ilkin fərqləndirmə (demodeks, qotur, dişləmə, bit)
- Diaqnoz necə qoyulur? Hansı müayinələr lazım ola bilər?
- Müalicənin əsas prinsipləri (evidence-based yanaşma)
- Demodekslə əlaqəli problemlərdə müalicə yanaşması
- Qoturda müalicə yanaşması və evdaxili tədbirlər
- Gənə dişləməsi: evdə nə etmək olar, nə zaman həkimə getməli?
- “Müalicə etdim, keçmədi” – ən çox səbəblər
- Tez-tez verilən suallar
1) Gənə xəstəliyi nədir? İnsanlar adətən nəyi nəzərdə tutur?
“Gənə xəstəliyi” tibbi diaqnoz kimi tək bir xəstəliyi bildirmir. Ən çox 4 ssenari olur:
- Demodekslə əlaqəli problem: üz dərisində qızartı, həssaslıq, qaşınma/batma hissi, sızanağa bənzər səpgilər, bəzən kirpik kənarında problem.
- Qotur: dəridə gecə artan güclü qaşınma, ev üzvlərində də oxşar dəri qaşınması, barmaq araları və tipik sahələrdə səpgilər.
- Gənə dişləməsi: dəridə yapışmış iri gənənin görülməsi və ya təbiətdə təmasdan sonra “dişləmə” tipli lezyon.
- Bit: əsasən saçlı dəridə qaşınma, saç dibində bit və ya “sirkə”nin (yumurtanın) aşkarlanması.
Bu səbəbdən “gənə xəstəliyinin müalicəsi” bir preparat adı deyil — düzgün diaqnoz + uyğun plan deməkdir.
2) Dəri altı gənə xəstəliyi müalicəsi: bu ifadə tibbdə nə deməkdir?
“Dəri altı gənə xəstəliyi müalicəsi” ifadəsi əksər hallarda pasiyentlərin “dərinin içində parazit gəzir” kimi hiss etdikləri qaşınma və səpgiləri təsvir etmək üçün işlətdiyi danışıq dilidir. Tibbdə “dəri altı gənə” adlı standart bir diaqnoz yoxdur.
Praktikada bu ifadənin arxasında daha çox aşağıdakılar dayanır:
- Qotur (dərinin üst qatında “yol” açan gənəcik) – pasiyent bunu “dəri altında gəzir” kimi hiss edə bilər.
- Demodeks (tük follikulu/yağ vəzi ətrafında) – uzunmüddətli üzdə qızartı və sızanağa bənzər səpgilər yarada bilər.
- Allergik/iritant dermatit – parazit olmadan da “gənə varmış kimi” qaşınma verə bilər.
Yəni “dəri altı gənə xəstəliyi müalicəsi” axtarışı üçün düzgün cavab budur: əvvəl səbəb dəqiqləşir, sonra hədəfli müalicə seçilir.
3) Əlamətlərə görə ilkin fərqləndirmə
Gecə artan güclü qaşınma + evdəkilərdə də qaşınma
Bu kombinasiya ən çox qoturu düşündürür. Xüsusilə barmaq araları, bilək içi, göbək ətrafı, qasıq, bud içi kimi sahələrdə səpgilər varsa, qotur ehtimalı artır.
Üzdə qızartı, yanma, həssaslıq, sızanağa bənzər səpgilər
Bu, demodeks və ya rozasea ilə uyğun gələ bilər. Burada “akne” ilə qarışma çox olur. Əgər klassik komedonlar (qara/ağ nöqtələr) yoxdursa və qızartı-həssaslıq ön plandadırsa, diferensial yanaşma lazımdır. Üzdə yaranan sızanaq, çivzə, akne problemlərində isə gənə mikroblarının heç bir rolu yoxdur. Ölkəmizdə çox təəəssüf ki, gənə xəstəliyinin müalicəsi adın altında sızanaq və ya akne müalicələri aparılır ki, bu da yanlışdır.
Təbiətdə gəzintidən sonra tək və ya bir neçə “dişləmə”
Bu, daha çox gənə dişləməsi və ya digər həşərat dişləmələrini düşündürür. Yapışmış gənə görünürsə, düzgün çıxarma və müşahidə planı önəmlidir.
Saçlı dəridə qaşınma, qulaq arxası/ensə nahiyəsində problem
Bu, baş biti ilə uyğun ola bilər. Müalicə və təkrar yoluxmanın qarşısının alınması eyni dərəcədə vacibdir.
4) Diaqnoz necə qoyulur? Hansı müayinələr lazım ola bilər?
Diaqnoz adətən dermatoloqun müayinəsi ilə başlayır. Şikayətin xarakteri (gecə artması, evdaxili yayılma), səpginin yerləşməsi və görünüşü çox dəyərlidir. Seçilmiş hallarda həkim aşağıdakıları seçə bilər:
- Qotur şübhəsində: dermatoskopik baxış və ya dəri səthindən nümunə (mikroskopik baxış üçün).
- Demodeks şübhəsində: klinik qiymətləndirmə, bəzən follikul səthindən/kirpik kənarından nümunə.
- Bit şübhəsində: saç dibində bit və yumurtaların vizual aşkarlanması.
Ən yanlış olanı isə “özüm dərman sürtüm, sonra baxarıq” yanaşması çox vaxt diaqnozu gecikdirir. Ən doğrusu isə erkən mərhələdə yaxşı bir dəri həkimi qəbuluna düşməkdi.
5) Müalicənin əsas prinsipləri (sübuta dayanmış yanaşma)
Gənə müxtəlif tipli dəri xəstəliklərinin yaranmasında iştirak edirlər. Bu xəstəliklər də gənələrin sayları dəfələrcə artır və dəri xəstəliklərini törədirlər.
- Birinci prinsip: Müalicə “adla” yox, səbəblə seçilir (demodeks ≠ qotur ≠ dişləmə ≠ bit).
- İkinci prinsip: Yoluxucu vəziyyətlərdə (xüsusən qotur və bit) yalnız bir nəfərin müalicəsi çox vaxt yetərli olmur — kontaktların idarəsi əsasdır.
- Üçüncü prinsip: Dəri baryerinin bərpası (yumşaq təmizləyici, uyğun nəmləndirici, qıcıqlandırıcı məhsullardan uzaq durma) çox vaxt müalicənin təsirini artırır.
- Dördüncü prinsip: “Güclü mazlar”ı özbaşına istifadə etmək (xüsusilə steroid tərkibli kremlər) bəzi parazitar problemləri gizlədə və uzada bilər.
6) Demodekslə əlaqəli problemlərdə müalicə yanaşması (demodeks müalicəsi)
Demodeks hər insanda problem yaratmır. Müalicə adətən o zaman planlanır ki, klinik mənzərə demodekslə uyğun gəlsin və həkim bunu ehtimal etsin. Yanaşma çox vaxt aşağıdakı istiqamətlərdən ibarət olur:
- Əsas hədəf: gənəcik yükünün azalması və iltihabın nəzarətə alınması.
- Dəriyə çəkilən preparatlar: həkim klinik vəziyyətə görə seçir (həssas dəridə qıcıqlanma riski nəzərə alınır).
- Əlaqəli vəziyyətlərin idarəsi: rozasea/seboreyik dermatit fonu varsa, paralel müalicə daha uğurlu olur.
- Kirpik kənarı problemi varsa: göz ətrafına uyğun gigiyena və həkimin seçdiyi plan önəm qazanır.
Gənə xəstəliyinin müalicəsi ölkəmizin dermatologiya gündəmində duran bir nömrəli sualdır. Pasientlər tərəfindən tez-tez gənə xəstəliyi müalicə olunurmu sualı ünvanlanır. Əvvala onu söyləmək lazımdır ki, gənə adında bir xəstəlik yoxdur. Elmi adı demodeks follikulorum olan və zooloji olaraq gənələr qrupuna daxil olan bu mikrob üz dərisində yerləşən kommensal bir canlı kimi hər bir insanda mövcuddur. Daha dəqiq desək üz dərisindəki yağ vəzləri və tük köklərində yaşayan canlılardır. Bağırsaqlarda necə çoxlu sayda mikrob koloniyalar var, eləcə də üz dərisində demodeks follikulorum dediyimiz gənə koloniyaları vardır. Dərisində heç bir səpgisi olmayan insandə belə gənə vardır. Bağırsağın normal florasına daxil olan bakteriyaları tamamiylə məhv etmək necə mümkünsüzdürsə, dərinin normal florasına daxil olan gənəni tamamiylə təmizləmək mümküsüzdür. Bəs nədən bəzi xəstələr və həkimlər gənə xəstəliyinin müalicəsi adı altında bu parazitin dəridən tamamiylə təmizlənməsi üçün çalışırlar ? Gənədən birdəfəlik qurtulmaq üçün nədən hər cür prosedurlara müraciət edilir ?. Bu suallara birqədər aydınlıq gətirməyə çalışaq.
Gənənin (demodeks follikulorum) tam müalicəsi
Dəridən götürülən gənə testi hər zaman müalicələrdən sonra belə müsbət çıxa bilər. Belə olan halda gənənin tam təmizlənməsi üçün əlavə müalicələrə gərək duyulmur. Cünki bu parazit heç bir zaman dəridən təmizlənə bilməz. Gənə xəstəliyinin müalicəsi adı altında demodeks follikulorumdan qurtulmaq adına aparılan bütün müalicələr əbəsdir. Demodeks follikulorum mikroblarının sayını azaltmaq üçün gənə əleyhinə preparatlar istifadə etmək olar. Lakin sadəcə gənə preparatları ilə dəri xəstəliklərini müalicə etmək mümkün deyildir. Gənənin də iştirak etdiyi dəri xəstəliklərinin müalicəsində başqa preparatlar da istifadə edilməlidir. Dermatoloq əgər düzgün kompleks müalicələr təyin edərsə xəstənin bütün şikayətləri aradan qalxaraq üz dərisi səpgilərdən azad olar.
7) Qoturda müalicə yanaşması və evdaxili tədbirlər
Qotur şübhəsində müalicə planının uğuru ən çox iki şeydən asılıdır: düzgün tətbiq və kontaktların eyni vaxtda idarəsi. Qoturda “müalicə etdim, yenə çıxır” şikayəti çox vaxt təkrar yoluxma və ya natamam tətbiq səbəbindən olur.
- Kontaktlar: eyni evdə yaşayanlar və yaxın təmaslılar çox vaxt eyni vaxtda planlanır.
- Evdaxili tədbirlər: yataq dəsti və geyimlərin dəyişdirilməsi, mümkün olduqda uyğun yuma rejimi, dırnaqların qısa saxlanması.
- Qaşınma davam edə bilər: müalicədən sonra bir müddət qaşınma qalması hər zaman “müalicə alınmadı” demək deyil; yeni səpgilərin artması və evdaxili davamlı qaşınma varsa yenidən qiymətləndirmə lazımdır.
8) Gənə dişləməsi: evdə nə etmək olar, nə zaman həkimə getməli?
Gənə dişləməsində əsas məqsəd gənəni düzgün çıxarmaq, dişləmə yerini təmiz saxlamaq və sonrakı günlərdə ümumi vəziyyəti izləməkdir.
- Ev şəraitində: dişləmə yerini təmizləyin, qıcıqlanmanı artıran müdaxilələrdən uzaq durun.
- Mütləq həkimə müraciət: qızdırma, güclü halsızlıq, baş/əzələ ağrıları, yayğın səpgilər, dişləmə yerində sürətlə böyüyən qızartı, qanaxmaya meyl və s.
9) “Müalicə etdim, keçmədi” – ən çox səbəblər
- Səhv diaqnoz: demodeks sanılıb qotur, qotur sanılıb allergiya və s.
- Kontaktların müalicə olunmaması: xüsusilə qotur və bitdə təkrar yoluxma.
- Natamam tətbiq: preparatın yanlış sahələrə çəkilməsi, kifayət qədər saxlanmaması və s. (həkim təlimatına əməl edilməməsi).
- Qıcıqlandırıcı məhsullar: sərt skrablar, spirtli toniklər, özbaşına “güclü” kremlər.
- İkincili infeksiya: qaşıma nəticəsində irinləmə və iltihab artımı.
10) Tez-tez verilən suallar
Gənə xəstəliyinin müalicəsi varmı?
Bəli. Amma müalicə “gənə”nin hansı növ olduğuna və hansı klinik vəziyyət yaratdığına görə seçilir (demodeks, qotur, bit və ya gənə dişləməsi).
Dəri altı gənə xəstəliyi müalicəsi deyəndə nə nəzərdə tutulur?
Bu, adətən pasiyentlərin danışıq dilində işlətdiyi ifadədir və çox vaxt qotur, demodeks və ya bəzən allergik/iritant dermatit kimi vəziyyətlərlə əlaqəli olur. Dəqiq diaqnoz olmadan “dəri altı gənə” üçün bir dənə universal dərman yoxdur.
Gənə xəstəliyi sızanaqla eyni problemdirmi?
Çox vaxt yox. Sızanaqda komedonlar (qara/ağ nöqtələr) daha tipikdir. Qoturda gecə artan qaşınma və evdaxili yayılma, demodeksdə isə üzdə qızartı-həssaslıq və rosaseaya bənzər görünüş daha ön planda ola bilər.
Qotur müalicəsindən sonra qaşınma niyə qalır?
Bəzi insanlarda müalicədən sonra bir müddət qaşınma davam edə bilər. Lakin yeni səpgilər artırsa, evdə başqalarında da qaşınma davam edirsə və ya müalicə natamam aparılıbsa, yenidən müayinə lazımdır.
Özbaşına “güclü maz” istifadə etmək olarmı?
Tövsiyə edilmir. Xüsusilə tərkibində steroid olan kremlər bəzi parazitar vəziyyətləri gizlədə, qıcıqlanmanı artıra və xəstəliyi uzada bilər.
Nəticə
Gənə xəstəliyinin müalicəsi var — lakin düzgün nəticə üçün “gənə” dedikdə hansı problemin nəzərdə tutulduğunu ayırd etmək lazımdır. Əgər gecə artan qaşınma, ev üzvlərində də şikayət, uzunmüddətli üz qızartısı və ya gənə dişləməsindən sonra ümumi əlamətlər varsa, dermatoloq müayinəsi daha sürətli və təhlükəsiz yoldur.
90 Responses
salam Mehdi bey menim evladim bu xestelikden 14 ildi ki eziyyet cekir .Uzunde temiz salamt yer qalmayib. Iranda Rossiyada Azerbaycanda uzun muddet mualice alib amma hec bir irelileyis olmayib.Amma herden mualice olmadan bele sakitlesir bir muddet sonra yeniden baslayir. Cox uzun suren bir xestelikdi Artiq hec bir mualice almayir cunku bezib.Bize bir meslehet verin .Onceden tesekkur edirem.
Salam Rühəngiz xanım. Suala görə təşəkükrlər. Bəli bu xəstəlik xroniki xəstəlikdir. Lakin müalicəsi var. Hətta xəstəliyi biryolluq itirməyi vəd edən üsullar da var. Bu problemi səbrlə, mərhələli şəkildə həll etmək mümkündür.
Salam Mehdi hekim.Menim de ovladimin 18-iz yasi var,ondada uzunde sizanaqlar emele gelib.Dermatoloqa apardim dedi usaqinin sizanaqindan analiz goturmek lazimdir.Buda ancaq Bakidadir.Guya deri altinda gene var.Sizden xahis edirem bu xestelik barede etrafli qeyitler edesiniz ve malicesi barede etrafli yazmagnizi rica edirem.
Salam Məharət bəy. Suala görə təşəkkürlər. 18 yaşında bir xəstədə gənə problemi olmaz. Böyük ehtimal sızanaq xəstəliyindən əziyyət çəkir onun da müalicəsi tamam fərqlidir. Xəstəni müayinəyə gətirsəniz biz onu testlərdən keçirdib müvafiq müalicələr təyin edərik. Sızanaq vaxtında müalicə edilməsə üzündə getməyən çopurlar yarana bilər. Ona görə müalicələr erkən başlanılmalıdır. Hörmətlə
https://mehdiiskandarli.com/akne-xesteliyi-veya-sizanaq/
Salam Mehdi həkim mən 3 ildi müalicə Allam sağalır yene yaranır üzümdə səpgilər izi də qalır sagalanlarin,birde mən lazer epilyasiya elətdirirem o problem yaradır?
Salam. Epilasiyadan da ola bilər. Ancaq gənə probleminin biryolluq həlli vardır. Səbəbi tapılsa qurtulmaq mümkündür. Hörmətlə
Salam doktur. Bu problem mendede var illerdi.hansi testlerden kecmeliyem.butun analizderden kecmisem problem yoxdu deyirler.birce gene var.hansi testlerden kecmeliyem geldikde
Salam Sevda xanım. Sualınız görə təşəkkürlər. Dünyanın heç bir yerində xəstə müayinə edilmədən analiz təyin edilmir. Analiz təyini çox individual məsələdir və hər xəstə üçün müxtəlif olur. Analiz istəyinin standartı olmur. Hər şey xəstə müayinəsinin nəticəsindən sonra məlum olur. Bəzən olur heç analizlərə ehtiyac da olmur. Odur ki, tələsməyin. İlk öncə klinikaya gəlməyə çalışın. Ehtiyac olarsa analizləri biz sizə təyin edəcəyik.
Salam doktorum menim qardaşın 18 yaşı var bedeni coox qaşınır gene ola bilermi ??
Salam Tural bəy. Suala görə təşəkkürlər. Gənələr əsasən üz dərisində problemlər yaradır. Bədəndə gənə qaşıntı vermir. Başqa səbəblər var onu araşdırmaq lazımdır.
Kükürd tozunu it burnu cubugunun kuluyle qarisdirib üzə vurmaq olar demodeks üçün
Salam Nərgiz xanım. Məsləhət etmirəm. Xeyri də yoxdur
Hekim müalicə neciye başa gəlir ortalama
Salam Sabit bəy. Bu cür təfərruatlı suallar ancaq müayinədən sonra cavablandırılır. Öncədən mümkün deyildir
7 aydır müalicə alıram sağalıb ama qurtarmır demodeks üçün hansı krem ya maz dərman nə məsləhət görürsüz Xahiş köməy edin
Nərgiz xanım. Bu xəstəlik bir kremlə düzəlməz. Müayinəsiz heç bir həkimdən müalicələr qəbul etməmənizi tövsiyyə edərdim.
Salam doktor məndə də 3 aydir ki dəri gənəsi var ilk başda boynum sepdi hekimə getdim üzden yaxma alib dedi genedi .ilk 1 ayin müalicesinde boynumdaki bütün sepkiler getdi yaxşı oldu amma üzümdəki qızarti sepkiler getmir artiq 3aydi müalice aliram hal haziedada müxtelif dərman peraparatlari ,sistemler və mazlarla .amma hələdə yaxşı gam efffekt yoxdur bir azalir bir artir biri quruyir başqasi çıxır .ilk biynuçda olmuşdu amma o tam sağalıb
Salam Ülkər xanım! Sualınıza görə təşəkkür edirəm. Ola bilsin sizdə gənə yox, başqa dəri xəstəliyidir. Müraciət edin sizə yardım edərik. İstər gənə, istərsə də başqa dəri xəstəliklərin müalicəsi aparılır mərkəzimizdə.
Salam həkim, demodeks xəstəliyi üçün Yam mazından istifadə etmək olar mı? Və bu xəstəliyin müalicəsi üçün hər hansı pəhrizi varmı? Öncədən təşəkkürlər
Salam Gülnaz xanım. Suala görə təşəkkürlər. Yam mazı məsləhət deyil. Sızanaqda dieta var. Şirniyyatdan uzaq durmaq lazımdır. Lakin, tək dieta ilə sızanaq düzəlməz. Əlavə müalicələr təyin edilməlidir. Müraciət etsəniz yardım edərik sizə. Keçmiş olsun
Salam doktor mende tekce qollarimda ve qiclarimda guclu qasinma var esasen axwamlar cox qasinir birdeki isti olan kimi guclu qasinir xahiw edirem yardimci olasiz
Salam. Səbəbini aşkar etmək lazımdır hər şeydən öncə. Diaqnoz qoyulmasa müalicələrin səmərəsi olmaz. Müraciət edin yardım edərik sizə. Hörmətlə
Salam həkim.Mənim qızımın 21 yaşı var.üzündə həm irinli həm adi səpgilər var 2 ildən çoxdur.bir neçə dəfə müalicə alıb.səpgilər cüzi azalmışdı.indi yenə də artıb.xahiş edirəm bir məsləhət verin.öncədən təşəkkürlər.
Salam Sevda xanım. Məsləhətim odur ki, müraciət edəsiniz. Ola bilər sizdə sızanaq problemi var. Sızanağın səbəbi tapılmasa sürtülən kremlərin heç bir xeyri olmaz. Əksinə vaxt itkisinə bağlı olaraq xəstəlik daha da dərinləşə bilər. Klinikamıza müraciət edin yardım edərik sizə. Hörmətlə
Salam hekim menim Qaynanamın 60 yaşı var 2 ildir gene düşüb üzünə nəqədər müalicə edirsə xeyir yoxdur bu gene ona iş yoldaşından keçib iş yoldaşının üzünü aldığı sapı öz üzünə vurub bilməyib dəri həkimində gedib kasmetoloqada gedib xeyri yoxdur hekim permetrinovaya məlhəmi kömək edər yoxsa deməz sizi narahat edən Tərtər rayonundan Gülnar xanım isdiyirem bizə kömək edəsiniz Qaynanamın hem şəkəri var hemde teziqi var həkim permetrinovaya məlhəmi pis təsir edmez həkim sizin məsləhətlərinə çox gözəldir həkim sağolun sizi narahat edirem
Salam Gülnar xanım. Xəstənin müayinə və müalicəsini istəyirsinizsə xəstəni klinikaya gətirin. Xəstə əyani müayinə olamsa resept təyin edilə bilməz. O krem üzə vurulmur. Müraciət edin yardım edərik sizə. Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: https://mehdiiskandarli.com Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam hekim menim 40 yasim var ozumde seker xestesiyem men daga getim dincelmeye ordan gelenen sora menim belimi qasima tutu bas qosmadim sora basladi qolumun alti qasindi baldirarim sora doxdura getim biri dedi qotrsan maz yazdi yaxdim bednime 5 gun tesir elamadi sora uzuru sayin cinsimin boyrleri qasindi pirsiq kimi sisdi doxdra getim dedi gene dusub oda bir maz duzaldi yaxdim 5 gun oda xeyri olmadi qasinma gena var ancag axsamlar qasniram bu qasinmaya ne edaq ki vetsin uzum qsnmirancag deyim yerlar qasnir el barmaqlarimn arsida qasnir
Salam. Dəridə qaşınma şikayətinin 1001 səbəbi ola bilər. Əgər qotur xəstəliyi əleyhinə verilən müalicələrin xeyri olmayıbsa o zaman başqa səbəblər araşdırılmaldır. Müraciət edin yardım edərik sizə. Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: https://mehdiiskandarli.com Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam hekim menim 19 yaşm var 11 sinifde üzümde sizanaqlar olmaga başladi mende stres kecirdende hirsimi sitresimi üzumden cixardiram adet qalib evveler az idi ama sizanaqlari ellediyime gore indi hedinen cox olub day düzelmir bezen qaşnr ozumu gucle saxliyiram bezende dersle meşgul olanda xeberim olmadan yene elimi üzüme apariram sizce neynemeliyem ??
Salam. Özünüz heç nə etməyin. Şikəyətiniz davam edirsə müraciət edin sizi müalicə edərik. Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: https://mehdiiskandarli.com Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam doktor qizimin uzunde esasen de burun agiz dodaq etrafinda sizanaqlar yayilib .Dermatoloqun qebulunda olub analizde gene cixib .pis qoxulu maz yazib iyinden durmaq mymkun deyil mazi tuduqdan sonra krem yazib .O kremi cekir yanir uzu dehwet yandirir doze bilmir .hekimi deyir ele olmalidi?
Salam Natəvan xanım. Əgər verilən müalicələrə rağmən şikayətlər davam edirsə müraciət edə bilərsiz yardım edərik sizə. Gənə xəstəliyinin müalicəsində qoxulu kremlər istifadə edilmir tərəfimizdən. Müalicələrimi xəstələrə əlavə diskomfort vermir. Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: https://mehdiiskandarli.com Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam mənim üzümdə 2 ildirki bu prablem var çox həkimə getmişəm və dəri altı gənə olduğunu söyləyiblər bir sualım kükürtlü sabunla səhər axşam dərini yusam bir xeyri dəyərmi?
Salam Rəvan bəy. Gənə və ya sızanaq xəstəliyi sadəcə kükürt sabunu ilə düzəlməz. Kompleks müalicələr almalısız.
Salam hekim. Zehmet olmasa deyin, demodex başda ola bilirmi? Ve baş dərisində bakteriyal follikulitler yaranmasına səbəb ola bilərmi?
Önceden teşekkür edirəm.
Salam Səbuhi bəy. Sualınıza görə təşəkkür edirəm. Başda sızanaq əsasən bakterial mənşəli olur. Gənə başda sızanaq verməz. Başda sızanaq başqa səbəblərdən də yarana bilər. Hər şey xəstə müayinəsindən sonra məlum olur. Hörmətlə
Salam doktor.Cox sagolun ki bele melumatlar paylaşırsınız suallari cavablayirsiniz. Menim 31 yasim var hardasa 15 ildi sizanaqdan eziyyet cekirem. Burnumda uzumun alnimdan basqa her yerinde belimde berk siskin qizartilar sonra irinlesir cirkli qara rənge yaxin qanla davam edir. Ele 15 il əvvəl ilk mualicede gene diaqnozu qoyuldu. Esasen benzil benzoatla mualice amma tam kesilmedi daha davam etmedim. Deyim ki sirniyyat cox sevenem. Duzu mualiceye vaxtim da yoxdur. Hele de bezen benzoat istifade editem ve deqtyarniy sabunla üzümü yuyuram ev səraitinde basqa ne etmek olar? Onceden teşekkür edirem.
Salam. Yazdığınız dərmanlar üzdə yaranan problemlərə faydası yoxdur. Əgər siz sızanaq xəstəliyindən əziyyət çəkirsinizsə onların müalicəsi tamam fərqlidir. Müraciət edə bilərsiz yardım edərik. Hörmətlə
Salam dokdor anam 2 aydi uzunde sisder olurdu sonra sisdem vurdurdu 6 dene kecdi gedi sonra ise 1 hefdeden sonra birde basdadi anam gedi hekme hekm dediki deri alti genedi indi anamin uzu pis gundedi bedeninede yaylb amma en cox uzundedi amma qasinmir hekim kukurtlu sabun yazdi birde mazlar amma heleki duzelmlmir neynye bilerik birdeki bu pis xesdelk deyilki?
Salam. Bu cür dəri xəstəlikləri ev şəraitində müalicə olun bilməz. Müraciət edin öncə diaqnozu dəqiqləşdirək. Testlərdən keçirdək. Sonra da müvafiq müalicələr təyin edərik sizə. Hörmətlə
Salam həkim, demideks analizinin nəticəsinin pozitiv folliculorum 4-6 g/s, pozitiv brevis 1-2 g/s olması gənənin çox yayıldığı deməkdir?
Salam. Demodeksin sayı və mövcudluğu müalicəni təyin etmir. Müalicəni həkim xəstə müayinəsinə görə təyin edir. Şikayətiniz varsa müraciət edə bilərsiz yardım edərik sizə.
Salam, demodeks analizinin nəticəsində folliculorum və brevis nə qədər olduqda müalicə lazımdı?
Salam. Demodeksin sayı və mövcudluğu müalicəni təyin etmir. Müalicəni həkim xəstə müayinəsinə görə təyin edir. Şikayətiniz varsa müraciət edə bilərsiz yardım edərik sizə.
Salam doktor.mende derialti gene awkar olunub hekim mualice yazib ve dedi ki 3 ay uzunu yumaq olmaz.Deyerdiz zehmet ol.masa uz yumaq qeti olmazmi??3 ay nece uz yumayib dayanmaw olarki
Salam. Belə bir qayda yoxdur. Siz yanlış anlamısız həkimi. Şikayətləriniz davam edirsə müraciət edə bilərsiz yardım edərik sizə.
Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: http://wjd.xqx.mybluehost.me Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam həkim, qardaşında üzündə genə vardir. Səpgilər də çoxdur Nə qədər müalicə alıbsa da xeyri yoxdur. Marqanizle üzünü yusa bir xeyri olarmı ?
Salam. Olmaz təbii ki.
Salam həkim. 17 yaşım var. Üzüm 3 4 aydı çox pis səpip. 2-3 gündü üsdü ay sızaqlar əmələ gəlir. Axşamlarda qaşınır. Dərman vururam ama çox təsir eləmir. Heçnə etməsəm öz-özünə yavaş yavaş gedər?
Salam. Öz-özünə gedər ancaq üzü çopurlaşdırıb gedər. Ona görə üzünüzdə əbədi izlər qalmasın deyə gərək sızanaqlar düzgün qaydada müalicə edilməlidir. Müraciət edə bilərsiz yardım edərik sizə. Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, ?: http://wjd.xqx.mybluehost.me Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur ??☘️
Salam doktor. Mən də aknelər var. Keçən il bunun üçün 5 aylıq roaccatune müalicəsi elədim. Lakin son zamanlar üzümdə səpkilər artıb azacıq. Demodex analizidə elədim müsbət çıxdı. Roaccatune müalicəsimi davam etdirməliyəm? Yoxsa artıq başqa bir müalicə lazımdır?
Salam. Roaccutane dərmanı ciddi fəsadları ola biləcəyi üçün həkim nəzarətində verilməlidir. Əgər şikayətləriniz davam edirsə ola bilsin müalicələr düzgün dozada təyin edilməyib. Müraciət edə bilərsiniz yardım edərik sizə. Hörmətlə
Salam Mehdi hekim, məndə qoturluq genesi vardi,bedenimden mualice ile kecib ama basimda da qaşıntı, bit gezme kimi olur.basqa hekim deyir ki basda qoturluq genesi olmur.mualice yazmadı.ne edim?
Salam. Müraciət edə bilərsiz. Yardım edərik sizə. Hörmətlə
Məndə aknedir (qızartılı).
Salam. Mən 7-8 ildir ki, sızanaqlardan əziyyət çəkirəm və üzümdə məsamələr, çapıqlar yaranıb. Son günlərdə çistka , piling daha sonra isə 1 seans dermapen etdirdim. Fərq oldu, sızanaqlar getdi amma tam yox. Bu müalicə üsulu sizcə düzgündürmü? Davam etdirməlimiyəm?
Salam. Sadəcə kosmetoloji prosedurlarla sızanaq müalicəsi aparıla bilməz. Yanaşı müalicələr də təyin edilməlidir. Həm daxilə, həm də xaricə. Ancaq daha dəqiq bu cür sualların cavabını əyani müayinələrdən sonra təyin etmək olar. Hörmətlə
Salam Mehdi həkim. Mən bu gün Dəri-Zöhrəvi Dispanserində üzümdən analiz verdim dedilərki üzündə gənə var hətta mikroskop altındada göstərdilər mənə. Mən bunu çox kompleks edirəm. Gənə xəstəliyi müalicələrlə yox olur? Yəni üzümdəki səpkilər gedəcək? Yoxsa nə vaxtsa yenə qayıdacaq?
Salam. Dəridə gənənin olması təbii haldır. Təhlükəsi yoxdur. Lakin dəridə səpgilər varsa mütləq müalicə almalısız. Əks təqdirdə izləri qala bilər. Şikayətiniz davam edirsə müraciət edə bilərsiz. Hörmətlə
Salam Mehdi Doxtor.Uzr itseyirem menim 17 yasim var 14 yasimnan uzumde sizanaqlar oldu sixdim lekelri qaldi ve yeniden mualice aldim lakin yeniden emele geldiler uzumde coxlu qizartilar var bu gene ola biler?
Birde daxilden temizlendikden sonra lazer vastitesile leke ve capiqlari yox etmek mumkundur?
Salam. Sızanaqları gənə törətmir. Yəqin sizin sızanaq xəstəliyindən əziyyət çəkirsiz. Müalicə üsulları var. İzləri də aparmaq olar. Hörmətlə
Salam Doktor. Mənim Nənəmdə qaşınmalar və göynəmələr olur. Balaca balacada səpgi nədən ola bilər?
Salam. Belə əlamətlər verən 1001 dəri xəstəliyi mövcuddur. Diaqnozun dəqiqləşdirilməsi, səbəbinin təyini və müvafiq müalicələr üçün əyani müayinələr lazımdır. Müraciət edə bilərsiz yardım edərik sizə.
Ünvan: HB Güven Klinikası. Atatürk prospekti ilə Əcəmi Naxcivani küçəsinin kəsişməsi. Ayna Sultanova heykəlinin arxası. Bazar günü xaric hər gün 10:00-15:00 arası xəstə qəbul edilir. ☎️: (051) 444 66 44, 🌐: https://mehdiiskandarli.com/ Gəlmədən əvvəl yuxarıda qeyd edilən nömrə ilə iş vaxtlarında, vatsapla isə istənilən vaxt əlaqə saxlayaraq randevu almanız xahiş olunur 🍃🌺☘️
Salam Demodext olanda uzde damar rozesea yaradir?
Salam. Demodex üzdə rozasea yaranmasında iştirak edir. Rozaseadə damarların genişlənməsinə də müşahidə edilir. Hörmətlə
Men Geneycun delta sabun vururam kukurtpu qetranli o komek eder genelerin olmeyine?
Sonra Exbona dermani icirem.Sineral dermani Pruflorin dermani bu 3 unu icirem bide uzumu kukurdlu Delta sabunla yuyuram.uzum.arada qizarir arada agarir ama.her yuxudan duranda uzumde damarlar cixir bezmjsem😔
Salam Mən bu yaxınlarda Analiz verdim Gənə Xəstəliyim olduğu aşkarlandı bu müalicə ilə neçə aya Gedər ?
Salam. Bu sualın konkret cavabı yoxdur. Bu suala ancaq əyani müayinələrdən sonra cavab vermək olar.
Salam qasığ gənəsinin malicesi varmi?qorxuludurmu bu?
Salam. Hər cür gənə xəstəliklərinin müalicəsi vardır. Hörmətlə
Salam hər vaxtiniz xeyr doktor. Menim 19 yasim var artiq 3 ildirki derimde ve qolarimda dəri alti sepgiler var. Lamya askarid ve üzümnen qolarinnan yaxma vermisem netice olaraq pozitif cixdi mualice aldim antibiotikler sistemler vs mazlar isdifade etmisem lakin yenede tesir etmedi men ne edim ?
Salam. Müraciət edə bilərsiz müalicə edərik sizi. Hörmətlə
Salam mənim 18yaşım tamam olub ağız ətrafında birdə sağ çənəmdə səpkilər var kosmeroloq gənə ola bilər dedi ama gənə qaşıntı verir və mənim üzüm nədəki belim heçvaxt qaşınmayıb sizcə gənə ola bilərmi? Səpkilər müəyyən müddətdən sonra öz özünə gedir və ləkə kimi qalır gənədədə belə olur? Öncədən təşəkkürlər🙏🏻
Salam. Ağzıətrafı səpgilər verən çox xəstəlik var. Diaqnozu dəqiqləşdirmək və səbəbini bilmək üçün əyani müayinələr lazımdır. Müraciət edə bilərsiz yardım edərik sizə. Hörmətlə
Salam doktor.Uzun qasinmasi geneden ola biler?Men de kecid dovrunden sepkiler qalib ve leke halini alib artiq 23 yasim var, amma sepkiler temizlenmir. Herden uzumde de qashinma olur.
Salam doktor. Men de kecid dovrunden beri uzumde sepkiler yaranib ve helede sepkilerden eziyyet cekirem 23 yasim var ve 15 yasimdan akne problemi yasayiram hemcinin uzumde bezen qashinma da olur. Hemin qashinmaya sebeb gene ola biler mi?Hetta uzumde artiq lekeler de yaranib lekelere qarsi ne etmek olar?
Salam. Əgər uzun zamandır bu problem həll edilmirsə həkim müayinəsi və müalicəsi lazımdır. Ləkələr düzəlməyən sızanaqlara ikincil yaranan problemdir. Sızanaqları biryolluq yox etməyi vəd edən müalicə üsulları lazımdır siə. Müraciət edə bilərsiz yardım edərik sizə. Hörmətlə.
Salam həkim qızımın 15 yaşı üzündə qaşınma qızartı yanmalar olur həkimə apardım 1ci səfə dediki demodeksdi mikrop var üzündə müalicə yazdı elədik 1 həftə düzəldi sonra xeyri olmadı sonra başqa həkimə apardım dediki gənə var üzündə dişi gənədi,müalicə elədim 20 gün sağaldı sonra yenə yara oldu üzü qaşındı qızardı yanmalar olur uşağın sinir sistemidə pozulur mən nə edimki uşağ sağalsın?
Salam. Gənə sızanaqların yaranmasında rola sahib deyil baxmayaraq analizlərdə müsbət çıxır. Müalicələr başqa üsullarla aparırlmalıdır. Müraciət edə bilərsiz ən doğru olan müalicələri təyin edərik sizə. Hörmətlə
Salam,mənim 18yaşım var 6cı sinifden üzümde sepkiler olurdu cuzi. 13 yaşımdan dehşet artmağa başladı. 2 defe aknetrend müalicesine başlamışam(2ay ve 3 aylıq 1il ara ile) üzümde axşamlar qaşıntılar olur ve sepkiler qetiyyen keçmir. Gene xesteliyinden şübhe etmeliyemmi?
Salam. Belə əlamətlər verən dəri xəstəliyi çoxdur. Siz dermatoloqa müraciət edin qoy o şüphələnsin. Siz şikayətlərinizi ona deyin o sizə dəqiq diaqnoz və müalicə təyin etsin. Hörmətlə
Salam həkim mənim ilk öncə səpgilər üzümdə başladı sonra isə sinəmə, kürəyimə qollarıma yayıldı 2.3ildi davam edir həkimə getdim gənə diaqnozu qoyuldu 6.ay bir müalicə aldım biraz az solmuş du yenə amma dərmanlar bitən kimi səpməyə başladı indi isə tamamilə üzümü bədənimi alıb bilmirəm tam olaraq düzgün müalicə aldım ya yox 3ayda bir almışam əsasən antibiotiklər kremlər sistemler yazılmışdı
Salam. Ola bilər diaqnozunuz düz qoyulmayıb. Ola bilər müalicələr doğru təyin edilməyib. Bəlkə də səbəbi araşdırılmayıb. İstənilən halda gənələrin yaratdığı hər növ dəri probleminin biryolluq həlli vardır. Hörmətlə
Salam həkim.üzümdə qaşınma yaranıb amma səpki filan yoxdu 2 3 ay olarki qaşınma var yalnız gənə ola bilər?
Salam. Səpgisiz qaşıntı daha fərqli səbəblərdən ola bilər nəyinki gənə. Müayinə etmək lazımdır. Hörmətlə
Salam hekim menim qollarim birde ayaqimda qasinma olur axsam lap cox olur deri zohreviye getdim diaqnoz qoydu ki genedi mualice yazdi hec bir xeyri yoxdu
Salam. Gənə xəstəliyinin hər bir növünün müalicəsi vardır. Müraciət edə bilərsiz. Hörmətlə
Salam hekim mende qasinma yalniz,qollarimda birde ayagimda olur qasinma gece olanda dahada guclenir
Salam. Bir çox gənə mənşəli dəri xəstəlikləri var. Bəziləri bəli bütün bədəndə gecə qaşınması var. Düzəlmə yoxdursa zaman içərisində əksinə qaşınma get-gedə artırsa həkimə müraciət etmək lazımdır. Hörmətlə