Sızanaq ləkələri üçün krem: düzgün seçim və effektiv yanaşma
Sızanaq ləkələri üçün krem axtaranların böyük əksəriyyəti aktiv sızanaqlardan sonra dəridə qalan qəhvəyi və ya qırmızı izlərdən şikayət edir. Bu ləkələr sızanağın özü deyil və müalicə yanaşması da fərqlidir. Aktiv sızanaqlar üçün dərmanlar haqqında məlumatı ayrıca məqalədə tapa bilərsiniz.
Mündəricat
Sızanaq ləkəsi nədir?
Sızanaq ləkələri sızanaq sağaldıqdan sonra dəridə qalan rəng dəyişiklikləridir.
Ən çox rast gəlinən formalar:
- qəhvəyi ləkələr (postinflamator hiperpiqmentasiya)
- qırmızı ləkələr (postinflamatorr eritema)
Bu vəziyyətlərdə əsas problem dəri toxumasının çökməsi deyil, piqment və damar reaksiyasıdır. Buna görə sızanaq ləkələri üçün krem seçimi aktiv akne dərmanlarından fərqlənir.
Üzdə sızanaq ləkələri niyə qalır?
Üzdə sızanaq ləkələrinin qalmasının əsas səbəbləri bunlardır:
- iltihabın dərin və uzunmüddətli olması
- sızanaqların sıxılması və travmatizasiya
- günəşdən qorunmamaq
- yanlış və qıcıqlandırıcı kosmetik vasitələr
Sızanaq ləkələri üçün krem necə seçilməlidir?
Effektiv krem seçimi tərkibdəki aktiv maddələrə əsaslanmalıdır. Klinik praktikada ən çox istifadə edilənlər:
- Azelaik turşu – piqmenti azaldır, dərini sakitləşdirir
- Niasinamid – qızartını və rəng fərqini azaldır
- C vitamini – melanin sintezini tənzimləyir
- Retinoidlər – dəri yenilənməsini sürətləndirir
- AHA turşuları – səthi piqmenti azalda bilər
Unutmaq olmaz ki, SPF qorunması olmadan heç bir sızanaq ləkə kremi stabil nəticə verməz.
Sızanaq ləkələri üçün maskalar və mazlar
Xəstələr tərəfindən “sızanaq ləkələrini aparan maskalar” və “sızanaq ləkələri üçün maz” tez-tez soruşulur.
Bu məhsullar köməkçi rol oynaya bilər, lakin:
- dərin ləkələri tam aradan qaldırmır
- nəticə krem və dermatoloji müalicə ilə daha stabildir
Sızanaq ləkələri ilə sızanaq izləri arasındakı fərq
Bu iki anlayış tez-tez qarışdırılır:
- Sızanaq ləkələri – rəng dəyişikliyi, krem ilə yaxşılaşa bilər
- Sızanaq izləri (post-akne çapıqları) – dərinin çökdüyü struktur dəyişikliklər
Atrofik və ya keloid tipli sızanaq izləri üçün krem adətən kifayət etmir.
Bu hallarda prosedur əsaslı müalicələr tələb oluna bilər.
Nə zaman dermatoloqa müraciət etməli?
- Ləkələr 3–6 ay ərzində açılmırsa
- Həm dəridə qəhvəyi ləkə, həm də iz mövcuddursa
- Dəri həssaslaşır və qıcıqlanma artırsa
Tez-tez verilən suallar (FAQ)
Sızanaq ləkələri üçün krem sızanaqları da sağaldırmı?
Xeyr. Bu kremlər aktiv sızanaqlar üçün deyil, sızanaqdan sonra qalan ləkələr üçün nəzərdə tutulur.
Sızanaq ləkələri üçün mazlar effektlidirmi?
Bəzi hallarda köməkçi ola bilər, lakin tərkib və müntəzəm istifadə əsas rol oynayır.
Maskalar sızanaq ləkələrini tam aparırmı?
Adətən yox. Maskalar yalnız səthi dəstək verə bilər.
Sızanaq izləri üçün krem varmı?
Struktur izlər üçün təkcə krem kifayət etmir; dermatoloji prosedurlar tələb oluna bilər.
Ləkələr öz-özünə keçə bilərmi?
Bəzi hallarda zamanla açılır, lakin düzgün krem və SPF prosesi sürətləndirir. Lakin, təcrübəli dermatoloq tərəfindən əlavə müalicələr ləkləri daha tez aça bilər.
