Psoriazın müalicəsi varmı ?

Tez-tez sual olunur ki, bəs psoriazın müalicəsi varmı, pullu dəmrovun müalicəsi varmı ? Bu sualın birmənalı cavabı vardır. Əlbəttə ki var! Psoriaz xəstəliyinin müalicəsində çoxlu sayda yeni dərman preparatları istehsal edilməkdədir. Hər il yeni müalicə üsulları təklif edilir və istifadəyə buraxılır. Hal hazırda ölkəmizdə bu cür dərmanların çox önəmli bir qismi xəstələrə təyin edilmir. Bunun müxtəlif səbəbləri vardır. Ən önəmli səbəb preparatların baha olmasıdır və xəstələrin bu cür dərmanları maddi cəhətdən qarşılaya bilməməsidir. Digər səbəb isə bir çox dermatoloq həkimlərin bu cür müalicə üsullarından ya xəbərsiz, ya da tətbiq qaydalarını bilməməsidir. Hal hazırda ölkəmizdə çox təəssüf ki, psoriaz xəstəliyinin müalicəsində ən çox istifadə edilən metod daxilə kortikosteroid (hormonal) mənşəli preparatların yeridilməsidir. Bu isə xətalı bir üsuldur və bu cür müalicə üsullarından həm həkimlər, həm də xəstələr uzaqlaşmalıdırlar. Yerli olaraq isə kortikosteroid mənşəli kremlərin və məlhəmlərin istifadəsi yalnız peşəkar dermatoveneroloq tərəfindən təyin edildikdən sonra mümkündür.

“Psoriazın müalicəsi varmı” sualını tez-tez verən və yaralarına məlhəm gəzən pullu dəmrov xəstələrinə söyləmək istərdik ki, mərkəzimizdə psoriazın müalicəsi ən müasir üsullarla, yeni preparatlar vasitəsi ilə aparılır. Həm yerli, həm sistem müalicələri təyin edilir. Bəzi preparatlar hər gün deyil, həftəlik qəbul edilir, bəziləri isə iki həftədən bir, digərləri isə ayda bir qəbul edilir. Ən yeni müalicə üsulları isə üç aydan bir dərman preparatlarının yeridilməsini tələb edir. Bu baxımdan ən son müalicə üsulları xəstələr üçün daha rahatdır. Xəstəliyin uzun müddətliyinə itirilməsi mümkündür. Uzun müddətli remissiyaların alınmasında sadəcə həkimlərin deyil, eyni zamanda xəstələrin də xüsusi səylərinə ehtiyac vardır. Vaxtında kontrol müayinələrinə gəlmək və lazımı analizlərdən keçmək. Bundan əlavə xəstələr tərəfindən düzgün profilaktik tədbirlərın aparılması xəstəliyə qalıb gəlməyin çox vacib şərtidir. Dermatoloq Mehdi İskəndərli dəri həkimi olaraq onu da qeyd edib ki, psoriaz xəstələri ümidlərini üzməməlidirlər. Pullu dəmrov xəstəliyinin müalicəsi vardır.

 

 

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.