Dərinin ən ağır genetik patologiyalarından sayılan piqmentli kseroderma (xeroderma pigmentosum) xəstəliyindən əziyyət çəkən bu xanımın dərisi dəfələrlə aparılan cərrahi əməliyyatlardan sonra tanınmaz hala gəlmişdir. Əməliyyatların səbəb isə xəstənin dərisində meydana gələn dəri xərçəngləri və prekanseroz törəmələrdir. Bu xəstələrin dərisi günəşin ultrabənövşəyi şüalarına qarşı müdafiəsi demək olar ki, yoxdur. Mübaliğəli desək bu xəstələrlə günəş arasında bir sevgi bağlantısı vardır. Ona görə də piqmentli kseroderma xəstəliyindən əziyyət çəkənlərdə uşaqlıq dövründən etibarən dəridə lentiqolar (günəş ləkəsi), çillər, prekanseroz törəmələr və dəri xərçəngi yaranır. Buna görə də tez-tez cərrahi əməliyyatlara məruz qalmış olurlar.

Fotofobiya yəni günaş şüalarından və işıqdan qorxma bu xəstələrin xüsusiyyətlərindən biridir. Erkən yaşlarında xəstələrdə göz problemləri xüsusən katarakta yəni mirvari suyu problemlərində əziyyət çəkməyə başlayırlar. Əslən Brazilyadan olan bu xanımın bu qədər acı həyat hekayəsinə baxmayaraq ona aşiq olan bir bəy də tapılmışdır. Sosial mediada tanış olan braziliyalı cütlük bir-neçə aydan sonra görüşmüşlər, aralarında sevgi yaranandan sonra ailə qurmağa qərar vermişlər. 2019-cü ilin yay aylarında rəsmi nigahla sevgi münasibətlərinə aydınlıq gətirərək hər kəsi təəccübləndirməyi bacarmışlar. Doğurdan da sevgi heç bir sərhəd tanımır. Ən ağır dəri xəstəlikləri belə kiminsə xoşbəxt olmasına mane olmur. Yetər ki, bir qədər səbrli və cəsarətli olasan.

https://www.theepochtimes.com/woman-with-rare-skin-disease-finds-true-soulmate-love-exists-believe-me-2_3218835.html

• DƏRİ XƏRÇƏNGİ HAQQINDA
• PSORİAZ (PULLU DƏMROV) HAQQINDA