Ocaqlı alopesiya və ya alopecia areata xəstəliyi avtoimmun mənşəli saç tökülməsi hesab edilir. Saç tökülməsi bədənin istənilən yerində yarana bilər. Əsasən başda tala tala tökülmə, qaş tökülməsi, kiprik tökülməsi və saqqal tökülməsi formasında meydana gəlir. Lakin, qasıqda, qoltuqda, bədəndə, aşağı və yuxarı ətraflarda tük tökülməsi də yarana bilər. Alopesiya adətən tala-tala saç tökülməsi ilə özünü biruzə verir. Ən ağır formalarda saç tökülməsi bütün başı və bütün bədəni əhatə edə bilər. Xəstəliyin yaranmasında həm endogen, həm də ekzogen səbəblər rol oyanıyr. Dermatoloq səbəbi və yanaşı gedən xəstəlikləri araşdırmaq üçün əlavə analizlər tələb edə bilər. Lakin ocaqlı alopesiya xəstəliyinin yaranması emosional stres, psixiatrik xəstəliklər ilə yaxından əlaqəlidir. Stres avtoimmun mexanizmləri işə saldıqdan sonra tük kökünə immun hüceyrələrinin hücum etməsi nəticəsində saçlar və tüklər tökülərək alopesiya yaranır. Ocaqlı alopesiya daxili xəstəliklərin avtoimmun pozuntusu fonunda da yarana bilir.  Ocaqlı dazlıq başqa dəri xəstəlikləri ilə də yanaşı gedə bilər. Uşaqlarda ocaqlı dazlıq mənfi proqnoz əlamətidir. 

Ocaqlı alopesiya xəstəliyinin müalicəsi çətindir, lakin mümkünsüz deyildir. Tökülmüş saçları bərpa etmək mümkündür. Həm yerli, həm daxilə verilən müalicələrlə ocaqlı dazlıq ilə əlaqəli saç tökülməsi problemini qismən, ya da tam şəkildə düzəltmək olur. Əlavə olaraq tala-tala saç tökülmə sahələrinə müxtəlif tərkibli inyeksiyalar da vurula bilər. Ocaqlı dazlıqdan əziyyət çəkənlər ümidsiz olmamalıdırlar. Bu xəstəliyin müalicəsi vardır. İstənilən halda ocaqlı alopesiya ilə əlaqəli saç tökülmələrindən əziyyət çəkən xəstələr davamlı qaydada mütləq dermatoloq nəzarətində qalmalıdırlar. Trixologiyanın bir parçası olsa da trixoloq axtarışı tələb etmir. Xəstəliyin proqressivləşərk total alopesiya və universal alopesiya formasına keçməsinin qarşısını almaq üçün həkimin təyin etdiyi müalicə və profilaktika tədbirləri də mütəmadi qaydada görülməlidir. Ənsədə saç tökülməsi mənfiq proqnoz əlamətidir. Xüsusən uşaqlarda ənsədə saçların tökülməsi xəstəliyin ciddiyətindən və ocaqlı saç tökülmənin müalicəsi və profilaktikasının çətinliyindən xəbər verir. Lakin valideynlər və pasientlər ümidsiz olmamlıdır. Ocaqlı alopesiyanın müalicəsi və profilaktikası vardır. Tökülən saçların bərpası mümkündür. 

• DƏRİ XƏRÇƏNGİ HAQQINDA
• PSORİAZ (PULLU DƏMROV) HAQQINDA