Çivzə (acne vulgaris) xəstəliyinin müalicəsində ölkəmizdə hansı yanlışlıqlara yol verilir ? / Aydınlatma

worm-309559_1280.png?time=1611303013

Elmı adı “acne vulgaris” olan çivzə xəstəliyinin müalicəsində bir çox mərkəzlərdə yanlış praktikalar tətbiq edilir. Sübuta dayanmış təbabətə istinad edilməyən üsul və medodlara başvurulur. Belə ki, çivzə xəstəliyinin mədə-bağırsaq sisteminin qurd dediyimiz parazitar infeksiyaları ilə əlaqəsi sübut edilməmişdir və qərb səhiyyə protokollarında bu cür testlər və müalicələr tövsiyyə edilmir. Qurd deyilən parazitar invaziyalar dəridə bəzi dəri xəstəliklərini törədə bilər. Lakin, bütün dəri xəstələrini o cümlədən vulqar akne yəni, adi sızanaq xəstələrinə bu cür müayinələr və müalicələr aparmaq xətalıdır. Bağırsağın disbakteriozu və ya florası ilə əlaqəli elmi araşdırmalar yekunlaşmadığı üçün bu istiqamətdə də müalicələrin aparılası yolverilməzdir.

Bundan əlavə çivzə xəstəliyini bir çox mərkəzlərdə elmi adı “demodex folliculorum” olan gənə xəstəliyi ilə səhv salaraq, gərəksiz müalicələr təyin edirlər. Bəli gənə hər bir insanın dərisində yaşayan kommensal parazitdir. Onu dəridə o cümlədən üz dərisində törətdiyi bir çox dəri xəstəliyi vardır. Lakin, sızanaq xəstəliyin yaranmasında heç bir rola malik deyildir. Bu istiqamətdə aparılan testlər və müalicələr zaman itkisidir, xeyirdən çox ziyanı vardır. Çivzə xəstəliyinin müalicəsində yalnız qərb səhiyyəsi standartlarına, protokollarına və elmi araşdırmalarına istinad edilərək müayinə və müalicələr aparıla bilər. Digər üsul və metodların elmi cəhətdən isbatı yoxdursa bu cür praktikalardan uzaq durulmalıdır.

Bundan əlavə sızanaq müalicəsində istəfadə edilən plazmoferez, bağırsaqların yuyulması, ozonoterapiya, hicama və s. kimi sübutu olmayan üsul və metodlara müraciətlər xəstəliyin ancaq və ancaq proqressivləşməsinə və dərinləşməsinə xidmət edir. Odur ki, çivzələrdən əziyyət çəkən xəstələr müalicəsini sübuta dayanmış təbabət üzərindən apara bilən dermatoloq həkimlərə həvalə etməlidirlər.

 

 

Uzm. Dr. Mehdi İskəndərli

Avstraliyanın Sidney şəhərində yerləşən St. George Hospitalında təkmilləşmiş, Dəri və Zöhrəvi Xəstəlikləri mütəxəssisi, Dermatoveneroloq Uzman Dr. Mehdi İskəndərli.


Şərh Bildir

E-mail adresiniz yayımlanmayacaq. Lazımı sahələr * işarəsi ilə qeyd olunub.



Əlaqə

Tel: (012) 959
Mob: (051) 444 66 44



Ünvan

HB Güven Klinik
Atatürk pr. 3078
(Ayna Sultanova Heykəlinin yaxınlığı)





2019. Bütün hüquqlar qorunur.